Hondarribia Ikasbasketeko emakumezkoen senior taldeak denboraldi berriari ekingo dio igande honetan, urriaren 11n, Loiola Indautxuren aurka. Bilboko taldea Lehen Maila Nazionaleko egungo txapelduna da.
Partida 18:00etan jokatuko da, Bilboko Jesuitak ikastetxean.
Óscar Sotomayorrek zuzentzen duen talde hondarribiarrak aurreko denboraldietako jokalarien jarraitutasunaren aldeko apustua egin du beste behin. Taldearen esperientzia funtsezkoa izango da denboraldi berrian lehiatzeko eta sailkapeneko goiko postuetatik gertu egoteko helburuari eusteko.
Etxeko lehen partida urriaren 17an jokatuko dute, larunbatean, 19:00etan, Hondartza kiroldegian, Vascons Getxoren aurka.
Klubetik zaleei dei egiten diegu denboraldi berrian taldeari babesa ematen jarraitzeko eta Hondarribiko emakumezkoen saskibaloiaren aldeko giroa indartzeko. Lotutako albistea: Irakurri albiste osoa El Diario Vascon
Noticia relacionada: El Hondarribia Ikasbasket, en El Diario Vasco
